被遺忘的時光

零八年十月中

這年就像蔡琴姐姐的 <被遺忘的時光>




要努力讀日文，回來跟peter學琴。 知不知道。

人生

人生得意地方

原來無論咩年紀

都有你第一次的感動

第一次帶熙熙b去玩具反斗城

第一次買鑽石

第一次成塊pizza 弄了落地

差d第一次買玩具俾熙熙b

昨天雖然紅假也返了工
但也過得不錯

攰

希望你知道
我一直支持你

第九個月的22號

自從幫了nole team手
真係學了很多野

感覺好像呢份工終於有番意義

我在意的
能夠一起成長的工作伙伴
同埋工作附加價值

一定要比心機同nole team 一起工作

前日和威少食飯
威少同以前一樣有趣
加上ronald，三個人笑過不停
希望下次再同威少，仲有多點舊同事一起食飯。

三少的決定

一個人做兩team的感覺如何?

累

不過開心

今日隔離個team封了我做三少

大少夠顧家
二少放洋回來
三少有咩好做?
調戲娘家婦女 哈哈!

好攰!
不過越做越精神!

tvc - sell感人

睇書講，市場需要人材已經由左腦逆轉右腦。感性，宏觀，懂得說故事的人開始吃香。

寫作，繒畫，設計始終電腦不能替代。

香港創意工業本來一直上揚，甚至世界聞名，但已經開始比不上其他亞洲國家。

呢個土地同上海，韓國，泰國，日本有佢的獨特之處

只要加一點感性 香港一定得!

誤打誤撞入了行，雖然咩都要學

但勝在夠勤力，所以我會繼續努力睇書，努力睇片，努力求改進

呢個廣告睇左大半都唔知佢買咩，雖然故仔好直。

但夠感人

copy寫得好: (設問)點解我們(生於)在這裡? 爸爸真的愛你!

要sell 保險廣告好難，難在於保險係一種無形東西。

香港保險廣告都清一色sell "幫人"，好做作。(雖然說這類廣告其實係拍俾從業人員睇)

人地sell: 愛，所以你存在 ; 愛，所以買保險

反而睇得舒服又反省存在意義

呢個星期雖然忙，但多謝阿nole 同 安安，還有nicole

大壓力

大家想著8號不用返工 (連放3日)
尋晚同班同事飲野!
聽到件事
有點驚訝!

好憎人咁八婆

其實
兩位老細好清楚
每個員工能力

俾心機做好自己!
唔應該為了八婆而放棄
我有好多朋友撐我

星期一
同老細講做 lego 先

其實team度 真係學唔到野
不過勝在夠閒
可以找外快

好想好想讀 poly 或者去外國讀書
去進修
又想快點有個屋企
唔想俾人睇死

係咪攪到自己好大壓力?

清晨的哭泣

好耐未哭過
最少
好耐未試返工前哭過

一次5年前
一次4年前

晨早的哭比較特別記得
1: 非常清醒
2:會影響成日心情
3:夜晚哭完，瞓醒reboot，無事
4:一定非常唔開心，因為晨早哭，眼紅紅鼻紅紅，同事會發覺，成車人會發覺。

令到我哭原因
永遠都只有一個 "覺得委屈"

以前從來唔會覺得別人不接電話而失落。
以前從來唔會覺得唔通電話打多次係有罪。
一日之計在於晨
就係咁晨早被人罵

我唔會比你的失望少

唔開心需要靜下消化又係錯

可能我根本錯

其實我唔應該哭 應該嬲

5年前個仆街老細正仆街死左去啦
4年前個八婆洗人唔洗本，仲用錢掟我，你注定一世無發達


如果你唔鐘意我
我做咩都係錯
我永遠比唔上你鐘意的人
我盡力做好的
你也瞎了眼

近排唔開心又番黎探我
只怪自己事業一潭死水
ronald 生日個排
我有努力俾多點信心自己

沒有信心
不斷努力改變自己係沒用
別人只想你成為棋子
為自己開心自私兼有好處為目的
工作，家庭，戀愛也是如此
係真的，
人需要小丑
逗到人笑，話極唔嬲
無威脅，永遠笑面迎人

對唔住，我唔擅長做小丑
但今時今日可能要學做一個小丑
收埋最真心既我

此刻只能嘆息

Why Why Why

今日同nole team 公司食麥記
知道了好多why why why

笑聲中
我諗我都唔洗用問 why

nole 問我其實想唔想過佢個team
心裡說好囉!
不過幾好都無用
我又唔會無啦啦過team

不如開個 lego team啦

無啦啦做隻無聊稿
無啦啦做完又好似完全唔關我事
連人帶file 又抄番俾阿ben
我唔明!
但我唔會問why!
只可以講，我好羨慕nole個team
阿na 同 開心仔 可以自由發揮

無聊聊又bief 新 job
無鬼聊又唔關我事
咪又係阿ben做勝景遊

不過今日好幸福架啦
"r" 到張namecard 來做
做做下下 又幫ronald 做 lego

開心到要寫日記

不過另外幫寶貝改張poster要遲少少
sorry~ar
包保改得更靚!
我既設計絕對信心保證!

that why, 突然想做freelance
我要享受設計
無錢都做!

我唔要"錯摸" 同 "比喻" !!!!!!!!!!!!

what the fxck!

鯉躍龍門...

呢兩日好唔開心

之前儲起開心又無哂

8個月啦
日日都係做勝景遊product ad... 日日改日子 換團
一有得玩新layout 全部俾哂阿ben
apa 個 project 又無份

係咪大佬覺得我掂先?

未有一間公司可以令我悶成咁

之前做展覽同graphic hse 仲有inhouse 都可以令我忙到甩碌
發揮我極限

我寧可做lego 起碼lego 有唔同系列 個個盒唔同

剛剛睇完本書
"工作無話你喜不喜歡，搵到錢就得!"

做人唔應該咁諗
又搵到錢自己又喜歡才係高人
你睇下 Bill Gates , steve job 再唔係睇下 島山明
岳敏君

雖然我唔係咩叻人 或者人才
但命運一定要自己掌握

或者呢生人無機會鯉躍龍門...
但係起做條自由的魚

忍....睇多點書....... 努力 要有信心

寫

捨。

很久沒有

沒有想寫野畫野

原因，

失去了感動。



努力爪緊那一刻。


坦白說很不喜歡自己公司，
就如電視劇裡中仔不喜歡和後母住一樣。

曾經很想做好呢份工
推掉所有freelance
如果一直工作都是這樣沒趣
只好再拋個身出來做

如今成熟了
只會關心令自己和寶貝開心
抽多點時間關心寶貝


今晚睇電視
令我想起很疼我的嬤嬤
在生之時同琴姐一樣好錫d孫又夠中氣
好掛住佢呢

eBay 慈善慈貓 tee

http://cgi3.ebay.com.hk/ws/eBayISAPI.dll?ViewUserPage&userid=pandaa0808

生日禮物

遲來的生日禮物

令我很開心

小寶下水禮

今個星期六本來不想出去

最後還是去了小寶下水禮

有專車接送

35度bbq

各種大狗細狗

仲加設有狗差d浸死

好彩救得番

短短4個鐘

各人都覺累

你睇下小寶得意到呀

累

你不在香港感覺很奇怪

放工落樓
想也不想就打給你

其實
你多麼重要

很想聽聽你聲音

這星期顯得特別累

不知道你玩得開心嗎.......

福娃 熊貓鞋

自從搬屋不見了波鞋
一直想買番對

昨天陪寶貝在ＮＩＫＥ買短褲
見到一個約３﹣４歲小男孩買了這對熊貓鞋
寶貝說買給我
謝謝你

就是這樣有了新波鞋

記得人生第一對波鞋
係最疼我的祖母買給我
那種感覺比玩具、書本，衣服更重要
同腕錶過之而無不及

鞋﹣不知道為什麼那麼令人重之
喜歡一對鞋的時候
就算它破了
還是想留下來

搬屋次數多了
也忍心掉了很多鞋

不過下次應該最後一次搬了 ：）

隨心。隨意

人只要快樂
萬事都會如意

有心存感激
自要記著開心的事
令自己保持正面情緒
好事自然來

知道嗎

我知道很多令你心煩的事
而你天秤座性格
會令自己煩上加煩
但要記著

"凡(煩)事只要:隨心。隨意 ， 不要影響自己情緒"
不要想自己缺少什麼
只記擁有什麼

加油寶貝，你要記得有我支持你。

----------------------------------------------------------

今晚和fannie食飯
我地由鰂魚涌散步到天后
希望你同你喜歡的人開開心心
結婚時記得請埋我做兄弟(or姊妹)，講完。 haa~~

古怪日

瞓醒。

夢到老豆係平常事，
但不同的，
他離開2年多來，
第一次代入佢角度去想想。
就是這樣。
心結解開了。

我愛他，
傷感難免了，
但他不希望我不開心。

真的，
他生前盡力的，
就是想我開心。

我唔開心原因就係"失望"
期望太高，
世事豈能盡人意?
即使我盡力做到最好，
世界還不斷破滅夢想。

有多愛身邊的人，
他們不領情就係不領情。
不領情就算，
用情太深，傷得也更深。

還是忘了吧。
今日開始自私一點，
不再替任何人設想，
愛自己就好，做個處女座人好了。
無止境的犧牲自己來成全別人太祟高，
我不是耶穌，也不是英雄。

--------------------------------------

夜晚到了ronald 生日酒會
喝了酒的ronald喋喋不休說信我可以係呢行有所成就，
只係未遇到伯樂。

我不知道，
世上那麼多千里馬，
有無伯樂也不要緊也恨不得。
我只知道，
我係一隻吸收能力很強萬里馬，
同自己鬥就夠。
你無利用我長處，
係你蠢，唔關我事。

by the way,
多謝ronald，nole信我就夠。
何必爭取其他無謂人相信我的能力?

keith 同 開心仔同我講的東西我明白，
開開心心就好。
其他野唔理啦!

一個人的晚餐

不知道有無像我一樣
常常一個晚餐

一個人
永遠不知道食咩好
因為你絕對不喜歡坐著餐廳
看著一家人或者情侶開心進食

所以每次只有2個撰擇
1.麥記
2.回家一個對著4面牆，吃盡所有同微波爐有關的食物

你會問我
點解唔約朋友食飯?
唔知自己幾時放工的人點約人呢。

而且
如果你有屋企飯食
我寧願你回家吃
因為那是千金難求

很懷念小時候祖母煮的飯
可惜她太早離開

有人會覺得一個人食飯很型很自由
但當你五，六年來也要一個人食飯
絕對不會這樣想

今日放工經過餅店
好想買一個生日蛋糕當晚餐

對呀
今年我沒有生日蛋糕
不知道為什麼
就是很想有一個
看著 看著
差點哭了

七月之美

小寶寶七個月大了 半歲了!

不喜歡小孩的我
為她拼出愛心

熙熙特別的

正如你一樣，在我心裡面最特別

七月，和你拍了兩年拖
雖然中間鬧過分手
但我係十分珍惜你

特別漫長兩年來

我們
關心過
流淚過
快樂過
痛心過
分擔過
一起成長過
享受過3次旅行

這都係珍貴回憶

兩個人最好的相處
不熱不冷
不會燙傷你
也不會令你孤單

永遠暖的

一直暖暖的抱圍你

今晚滿月分外明亮
我對月亮說
「雖然我不比那中秋生日的人好，但你要比力量我，好好愛惜我愛的人。可以令她開開心心過中秋節」