Why Why Why

今日同nole team 公司食麥記
知道了好多why why why

笑聲中
我諗我都唔洗用問 why

nole 問我其實想唔想過佢個team
心裡說好囉!
不過幾好都無用
我又唔會無啦啦過team

不如開個 lego team啦

無啦啦做隻無聊稿
無啦啦做完又好似完全唔關我事
連人帶file 又抄番俾阿ben
我唔明!
但我唔會問why!
只可以講，我好羨慕nole個team
阿na 同 開心仔 可以自由發揮

無聊聊又bief 新 job
無鬼聊又唔關我事
咪又係阿ben做勝景遊

不過今日好幸福架啦
"r" 到張namecard 來做
做做下下 又幫ronald 做 lego

開心到要寫日記

不過另外幫寶貝改張poster要遲少少
sorry~ar
包保改得更靚!
我既設計絕對信心保證!

that why, 突然想做freelance
我要享受設計
無錢都做!

我唔要"錯摸" 同 "比喻" !!!!!!!!!!!!

what the fxck!

鯉躍龍門...

呢兩日好唔開心

之前儲起開心又無哂

8個月啦
日日都係做勝景遊product ad... 日日改日子 換團
一有得玩新layout 全部俾哂阿ben
apa 個 project 又無份

係咪大佬覺得我掂先?

未有一間公司可以令我悶成咁

之前做展覽同graphic hse 仲有inhouse 都可以令我忙到甩碌
發揮我極限

我寧可做lego 起碼lego 有唔同系列 個個盒唔同

剛剛睇完本書
"工作無話你喜不喜歡，搵到錢就得!"

做人唔應該咁諗
又搵到錢自己又喜歡才係高人
你睇下 Bill Gates , steve job 再唔係睇下 島山明
岳敏君

雖然我唔係咩叻人 或者人才
但命運一定要自己掌握

或者呢生人無機會鯉躍龍門...
但係起做條自由的魚

忍....睇多點書....... 努力 要有信心

寫

捨。

很久沒有

沒有想寫野畫野

原因，

失去了感動。



努力爪緊那一刻。


坦白說很不喜歡自己公司，
就如電視劇裡中仔不喜歡和後母住一樣。

曾經很想做好呢份工
推掉所有freelance
如果一直工作都是這樣沒趣
只好再拋個身出來做

如今成熟了
只會關心令自己和寶貝開心
抽多點時間關心寶貝


今晚睇電視
令我想起很疼我的嬤嬤
在生之時同琴姐一樣好錫d孫又夠中氣
好掛住佢呢

eBay 慈善慈貓 tee

http://cgi3.ebay.com.hk/ws/eBayISAPI.dll?ViewUserPage&userid=pandaa0808

生日禮物

遲來的生日禮物

令我很開心

小寶下水禮

今個星期六本來不想出去

最後還是去了小寶下水禮

有專車接送

35度bbq

各種大狗細狗

仲加設有狗差d浸死

好彩救得番

短短4個鐘

各人都覺累

你睇下小寶得意到呀

累

你不在香港感覺很奇怪

放工落樓
想也不想就打給你

其實
你多麼重要

很想聽聽你聲音

這星期顯得特別累

不知道你玩得開心嗎.......

福娃 熊貓鞋

自從搬屋不見了波鞋
一直想買番對

昨天陪寶貝在ＮＩＫＥ買短褲
見到一個約３﹣４歲小男孩買了這對熊貓鞋
寶貝說買給我
謝謝你

就是這樣有了新波鞋

記得人生第一對波鞋
係最疼我的祖母買給我
那種感覺比玩具、書本，衣服更重要
同腕錶過之而無不及

鞋﹣不知道為什麼那麼令人重之
喜歡一對鞋的時候
就算它破了
還是想留下來

搬屋次數多了
也忍心掉了很多鞋

不過下次應該最後一次搬了 ：）

隨心。隨意

人只要快樂
萬事都會如意

有心存感激
自要記著開心的事
令自己保持正面情緒
好事自然來

知道嗎

我知道很多令你心煩的事
而你天秤座性格
會令自己煩上加煩
但要記著

"凡(煩)事只要:隨心。隨意 ， 不要影響自己情緒"
不要想自己缺少什麼
只記擁有什麼

加油寶貝，你要記得有我支持你。

----------------------------------------------------------

今晚和fannie食飯
我地由鰂魚涌散步到天后
希望你同你喜歡的人開開心心
結婚時記得請埋我做兄弟(or姊妹)，講完。 haa~~

古怪日

瞓醒。

夢到老豆係平常事，
但不同的，
他離開2年多來，
第一次代入佢角度去想想。
就是這樣。
心結解開了。

我愛他，
傷感難免了，
但他不希望我不開心。

真的，
他生前盡力的，
就是想我開心。

我唔開心原因就係"失望"
期望太高，
世事豈能盡人意?
即使我盡力做到最好，
世界還不斷破滅夢想。

有多愛身邊的人，
他們不領情就係不領情。
不領情就算，
用情太深，傷得也更深。

還是忘了吧。
今日開始自私一點，
不再替任何人設想，
愛自己就好，做個處女座人好了。
無止境的犧牲自己來成全別人太祟高，
我不是耶穌，也不是英雄。

--------------------------------------

夜晚到了ronald 生日酒會
喝了酒的ronald喋喋不休說信我可以係呢行有所成就，
只係未遇到伯樂。

我不知道，
世上那麼多千里馬，
有無伯樂也不要緊也恨不得。
我只知道，
我係一隻吸收能力很強萬里馬，
同自己鬥就夠。
你無利用我長處，
係你蠢，唔關我事。

by the way,
多謝ronald，nole信我就夠。
何必爭取其他無謂人相信我的能力?

keith 同 開心仔同我講的東西我明白，
開開心心就好。
其他野唔理啦!

一個人的晚餐

不知道有無像我一樣
常常一個晚餐

一個人
永遠不知道食咩好
因為你絕對不喜歡坐著餐廳
看著一家人或者情侶開心進食

所以每次只有2個撰擇
1.麥記
2.回家一個對著4面牆，吃盡所有同微波爐有關的食物

你會問我
點解唔約朋友食飯?
唔知自己幾時放工的人點約人呢。

而且
如果你有屋企飯食
我寧願你回家吃
因為那是千金難求

很懷念小時候祖母煮的飯
可惜她太早離開

有人會覺得一個人食飯很型很自由
但當你五，六年來也要一個人食飯
絕對不會這樣想

今日放工經過餅店
好想買一個生日蛋糕當晚餐

對呀
今年我沒有生日蛋糕
不知道為什麼
就是很想有一個
看著 看著
差點哭了

七月之美

小寶寶七個月大了 半歲了!

不喜歡小孩的我
為她拼出愛心

熙熙特別的

正如你一樣，在我心裡面最特別

七月，和你拍了兩年拖
雖然中間鬧過分手
但我係十分珍惜你

特別漫長兩年來

我們
關心過
流淚過
快樂過
痛心過
分擔過
一起成長過
享受過3次旅行

這都係珍貴回憶

兩個人最好的相處
不熱不冷
不會燙傷你
也不會令你孤單

永遠暖的

一直暖暖的抱圍你

今晚滿月分外明亮
我對月亮說
「雖然我不比那中秋生日的人好，但你要比力量我，好好愛惜我愛的人。可以令她開開心心過中秋節」

如何

可以開心一點?

伴隨年紀增長的哭還有多少?

傷了不知道多少次的心

修補不了

Timbaland - Apologize

I loved you with a fire red、

now it's turning blue

And you say Sorry like an angel、

heavens not the thing for you,But I'm afraid

It's too late to apologize、it' too late

I said it's too late to apologizes、it's too late

Woahooo woah

開心不開心?

如今只想這一年快點過去
27 再不是我的lucky no.
期望越高　失望越大

有時間，好好愛惜自己啦
其實你地應該比我開心一百倍

人生十萬九千七樣無奈
唔好諗　淨係諗住點去令自己開心

兜

兜兜轉轉

心情還是讓它平靜下來

nole 講過東西 我會努力記住
也祝她生日快樂

keith, 支持你
你要加油
希望你朋友們也能振作

ben, sorry
你要好好加油
開心一點

忘記背後 努力面前

死穴

完全沒有打日記意慾

原本打算星期四同朋友食飯

坦白說
我已失去哂值得信任的朋友
所以同這個新朋友食飯也頗重要

但今日
隔離個team連中兩單大job
老細開心到要星期四請食飯
本來替人高興 贈下興 我好樂意
不過我原本已經約了上星期四
因為大多野做 做到零晨2點半
才改到今個星期四
少我一個無所謂啦

點知老細用output紙掟我
你知啦
之前有個朋友用過錢掟我
呢個係我死穴
我真係好能憎人掟我
係咪我特別好蝦先?
嬲到我震
eq勁低既我一定發癲
但今次忍到

溜左兩滴眼淚
呢半年我忍得好辛苦
每一日都好唔開心
真是好想死左去算
但係又唔想無老公的媽咪傷心
我做唔到
做唔到一個開心既人
我雖然已經好努力

近排我team中job奇低
還差d失左個客
我唔知點可以令我個team d 人團結
唔知點解有d人可以咁無義氣走左放工
我也不喜歡自己team作風
但當然不是我一個人想改變就可以
我只可以盡力
忍唔到那日就走人

相反

好耐未試過工作到零時

回家凌晨3點

盡量不要晚上工作

會頭暈腦脹的

好掛住寶貝

不知道你這兩天過得怎樣?

兩 圍 檯

今日老細飲茶
地點係太古坊

同事k曾經說過
太古坊那邊比較多OL
可以邊睇邊送飯

果然
飲茶也不例外
坐底不久
已有一大班女仔坐在隔離檯
足足坐了兩圍
全女班

我沒有評頭品足之意
只是好奇
全女班公司會係什麼公司?
美容公司?

全女班公司會不會很多麻煩?

如果同事k在女人堆一定無問題
相反同事b的話一定好攪笑

我就不必了
因為我好怕是非
也不太懂得女人
學習中...學習中

走的時候
原來同事b 完全沒有留意有兩圍OL檯

難度....火星沒有女人?

人工與成就

不知道幾時開始
我們都把人工與成就掛勾
越多錢=有本事
所以很多人不理自己喜不喜歡
或者有無興趣就亂入行
純粹的
有人請便做

最好笑的
其實如果你有心在某一行發展
一定有機會入行

有的
甚至不知道自己喜歡什麼

不知道就要認真的試
正如你去買衫一樣
售貨員推介你黑白紅藍綠
你不會唔理就買
你會入fitting試
你會諗一大推問題 (例如 那色襯你性格, 那色易襯牛仔褲,那色比較耐用)
買錯衫事少
最多浪費1點金錢 捐俾有需要的人好了
但明知不喜歡的工
為什麼做下去???

人生苦短
每人也應該讓自己快樂一點

我想
人工不代表成就的
除非你不喜歡自己的工

當然人工要為自己爭取多一點
但那是後話了